محمد بن اسحاق رحمت اللہ علیہ نے حضرت عبداللہ بن عباس رضی اللہ تعالی عنہ کی روایت سے ذکر کیا کہ حوا علیہ السلام کو آدم علیہ السلام کی بائیں طرف کی چھوٹی پسلی سے پیدا کیا گیا جبکہ آپ علیہ السلام سو رہے تھے اور پسلی کی جگہ کو گوشت سے پر کر دیا گیا ۔

حضرت ابوہریرہ رضی اللہ تعالی عنہ بیان کرتے ہیں کہ رسول اللہ صلی اللہ علیہ والہ وسلم نے فرمایا عورتوں سے حسن سلوک کی نصیحت قبول کرو کیونکہ وہ پسلی سے پیدا کی گئی ہیں بس سب سے ٹیڑھی پسلی وہ ہے جو سب سے اوپر والی ہے اگر تو اس پسلی کو سیدھا کرنا چاہے گا تو اسے توڑ بیٹھے گا اور اگر اسے چھوڑ دے گا تو وہ ٹھیڑھی رہے گی اس لیے عورتوں سے حسن سلوک کی نصیحت قبول کرو یعنی میں تمہیں نصیحت کرتا ہوں کہ عورتوں سے نرمی اور حسن سلوک کا برتاؤ کرو۔

:جنت میں زندگی                  

پھر اللہ تعالی نے فرمایا“

 تو اور تیری بیوی جنت میں رہو”

ان الفاظ سے معلوم ہوتا ہے کہ حضرت حوا علیہ السلام کو حضرت آدم علیہ السلام کے جنت میں داخل ہونے سے پہلے تخلیق کیا جا چکا تھا لیکن امام سعدی رحمت اللہ علیہ نے حضرت عبداللہ بن عباس حضرت عبداللہ بن مسعود اور دیگر صحابہ سے روایت کیا ہے کہ انہوں نے فرمایا ابلیس کو جنت سے نکال دیا گیا اور آدم علیہ السلام کو وہاں آباد کر دیا گیا آپ جنت میں اکیلے گھومتے پھرتے تھے ان کا کوئی ساتھی نہ تھا جس سے انہیں تسکین حاصل ہوتی ایک بار وہ سوئے جب جاگے تو دیکھا کہ ان کے سر کے پاس ایک خاتون بیٹھی ہیں انہیں اللہ نے آپ کی پسلی سے پیدا فرمایا تھا آپ علیہ السلام نے فرمایا تو کون ہے انہوں نے کہا عورت ہوں فرمایا تجھے کس لیے پیدا کیا گیا ہے کہا تاکہ آپ مجھ سے تسکین حاصل کریں فرشتوں نے جو آدم علیہ السلام کے علم کی وسعت معلوم کرنا چاہتے تھے کہا آدم اس کا نام کیا ہے انہوں نے فرمایا حوا انہوں نے کہا اس کا نام حوا کیوں ہے فرمایا کیونکہ وہ ایک زندہ وجود سے پیدا کی گئی ہے۔اللہ تعالی نے حضرت حوا کو پیدا کرنے کے بعد حضرت آدم علیہ السلام سے کہا تم اور تمہاری بیوی اس جنت میں رہو۔

وَ قُلۡنَا یٰۤاٰدَمُ اسۡکُنۡ اَنۡتَ وَ زَوۡجُکَ الۡجَنَّۃَ وَ کُلَا مِنۡہَا رَغَدًا حَیۡثُ شِئۡتُمَا ۪ وَ لَا تَقۡرَبَا ہٰذِہِ الشَّجَرَۃَ فَتَکُوۡنَا مِنَ الظّٰلِمِیۡنَ ﴿۳۵

اور ہم نے کہہ دیا کہ اے آدم !تم اور تمہاری  بیوی  جنّت میں رہو اور جہاں کہیں سے چاہو با فراغت کھاؤ پیو لیکن اس  درخت  کے قریب بھی نہ جانا ورنہ ظالم ہو جاؤ گے ۔

جنت میں جس درخت سے روکا گیا تھا اس کے متعلق اللہ تعالی نے فرمایا اس درخت کے قریب نہ جانا یہ درخت کون سا تھا اس کے بارے میں مفسرین اپنی اپنی مختلف رائے پیش کرتے ہیں بعض علماء کے نزدیک وہ انگور کی بیل تھی لیکن یہود کی رائے یہ ہے کہ وہ گندم تھی

وہب بن منبہ رحمت اللہ علیہ نے فرمایا اس کا دانہ مکھن سے نرم اور شہد سے زیادہ میٹھا تھا امام ابو مالک رحمۃ اللہ علیہ کی رائے میں وہ کھجور کا درخت تھا مجاہد رحمت اللہ علیہ کی رائی ہے کہ وہ انجیر کا درخت تھا ابو العالیہ رحمت اللہ علیہ نے فرمایا یہ کوئی ایسا درخت تھا کہ اس کو کھانے سے قضائے حاجت کی ضرورت پیش آتی تھی اور جنت کی زمین میں قضائے خاصہ مناسب نہیں۔

یہ سب اختلاف معمولی ہے اللہ تعالی نے اس درخت کا تعین نہیں فرمایا اگر اس کے تعین میں کوئی حکمت ہوتی تو اللہ تعالی متعین طور پر بیان فرما دیتا اور ہمیں بتا دیتا کہ یہ کون سا درخت تھا ۔

اس مسئلہ میں بھی اختلاف ہے کہ آدم علیہ السلام کو جس جنت میں ٹھہرایا گیا تھا کیا وہ آسمان والی جنت ہے یا وہ زمین میں کوئی باغ تھا اکثر کی رائے یہ ہے کہ یہ جنت آسمان میں ہے اور اس کا نام جنت الماوی یعنی جنت الخالد ہے قرآن مجید کی ایات اور احادیث نبوی کے الفاظ کا ظاہری مفہوم اس کی تائید کرتا ہے جیسے ایک حدیث میں حضور صلی اللہ علیہ وسلم کا ارشاد ہے اللہ تعالی لوگوں کو جمع فرمائے گا جب جنت مومنوں کے قریب لائی جائے گی تو وہ اٹھ کھڑے ہوں گے وو آدم علیہ السلام کی خدمت میں حاضر ہو کر عرض کریں گے ابا جان ہمارے لیے جنت کا دروازہ کھلوا دیجیے وہ فرمائیں گے تمہیں جنت سے تمہارے والد کی غلطی ہی نے نکلوایا تھا اس حدیث میں بظاہر ایک قوی دلیل ہے کہ  وہ جنت الماوی تھی جس سے آدم علیہ السلام کو نکالا گیا۔

آدم و حوا  کوشیطان کا دھوکہ

شیطان نے حضرت آدم علیہ السلام سے جو دشمنی پال رکھی تھی اس کے بدلے میں اس نے انہیں بھی جنت سے نکلوا دیا اس نے بہت مکر کیا اور اسنے ان کے ساتھ دھوکہ کیا اور اپنے رب کی نافرمانی پر امادہ کیا جس کی سزا میں آدم علیہ السلام کو جنت اور اس کی نعمتوں سے محروم اور دکھوں کی جگہ زمین میں آباد ہونا پڑا۔ یعنی نعمت راحت اور سکون سے نکال کر محنت مشقت اور مصیبت والی دنیا میں پہنچا دیا وہ اس طرح کے اس نے ان کے دلوں میں وسوسہ ڈالا اور  اس کے اچھا ہونے کا احساس دلایا جیسے کہ اللہ تعالی کا ارشاد ہے:

فَوَسۡوَسَ لَہُمَا الشَّیۡطٰنُ لِیُبۡدِیَ لَہُمَا مَا وٗرِیَ عَنۡہُمَا مِنۡ سَوۡاٰتِہِمَا وَ قَالَ مَا نَہٰکُمَا رَبُّکُمَا عَنۡ ہٰذِہِ الشَّجَرَۃِ  اِلَّاۤ اَنۡ  تَکُوۡنَا مَلَکَیۡنِ اَوۡ تَکُوۡنَا مِنَ  الۡخٰلِدِیۡنَ ﴿۲۰

پھر شیطان نے ان دونوں کے دلوں میں وسوسہ ڈالا تاکہ ان کی شرمگاہیں جو ایک دوسرے سے پوشیدہ تھیں دونوں کے روبرو بے  پردہ  کردے اور کہنے لگا کہ تمہارے رب نے تم دونوں کو اس  درخت  سے اور کسی سبب سے منع نہیں فرمایا مگر محض اس وجہ سے کہ تم دونوں کہیں فرشتے ہو جاؤ یا کہیں  ہمیشہ   زندہ  رہنے والوں میں سے ہو جاؤ ۔

یعنی کہ اس نے کہا اللہ تعالی نے تمہیں اس سے صرف اس لیے منع کیا ہے کہ تم فرشتے نہ بن جاؤ یا ہمیشہ رہنے والے نہ بن جاؤ یعنی اگر تم اسے کھا لو گے تو ایسے بن جاؤ گے اور انہیں یقین دلانے کے لیے قسم کھائی جیسا کہ اللہ تعالی نے فرمایا ہے۔

وَ قَاسَمَہُمَاۤ  اِنِّیۡ لَکُمَا لَمِنَ النّٰصِحِیۡنَ ﴿ۙ۲۱

اور ان دونوں کے رو برو  قسم  کھا لی کہ  یقین  جانیے میں تم دونوں کا خیر خواہ ہوں۔

                                                                                                                                                     (الاعراف:20-21)

فَوَسۡوَسَ اِلَیۡہِ الشَّیۡطٰنُ قَالَ یٰۤـاٰدَمُ ہَلۡ اَدُلُّکَ عَلٰی شَجَرَۃِ الۡخُلۡدِ وَ مُلۡکٍ لَّا یَبۡلٰی ﴿۱۲۰

لیکن شیطان نے اسے وسوسہ ڈالا کہنے لگا کہ کیا میں تجھے دائمی زندگی کا  درخت  اور بادشاہت بتلاؤں کہ جو کبھی پرانی نہ ہو ۔

                                                                                                                                                     (طہ:120)